बिना शिक्षण... एक जमानो होतो , ज्यान घरको माणूस घरच रये येकी काळजी लेयीजात होती. घरकी किसानी करनला घरको सिकेव लिखेव टुरा घरच रव्. असा केतराकजन रयेत जिनला घरकी कास्तकारी कोण करे ? येन् एकच सवालन् घरक् बाहेर नयी जान देयीस. डिवटीपर लगन येतरो शिक्षण लेयस्यान , डिवटीको घर् बुलावा आयस्यानबी घर् रवनेवाला एक जमानोमा बहुसंख्यालक भेटत. पोट भरनसाठी रोजी रोटी घरक् घरच , गावक् गावमाच मिलावनसाठी प्रयास करे जात होतो. पर जमानो बदलेव तसो समाजबी बदलन बसेव. सरप जसो कोस टाकस्यान नविन रूप लेसे तसो नवो रूप लेनको वू प्रयास करन बसेव. पयले ज्याहान डिवटीसाठी लोक घर सोळनला मंग् पुळ् देखत वय , आपल् टुरूपोटुनला स्याळा सिकावनसाठी बाहेर पटावन बस्या. डिवटीत् दुनियामा कहींबी लगनदेव जिल्हा , राज्य , देश , विदेश कहींबी जानला नविन पिढी आता मंग् पुळ् नही देख् . येव सामाजिक बदल काही सहज भयेव असो नही. येक् मंगंबी मोठो कारण से. जेन् जमानोमा घरबसे डिवटीको बुलावा आव् . वोन् जमानोमा डिवटीपर लगनेवाला पैसा पानीलक मजबूत होन बस्या. अना कास्तकारीवाला मंग् पळनबस्या तबंपासून समाजका डोरा खुलन बस्या. धिरू धिरू शिक्षणसंग् डिवटीकी प्...