गुरू आणि सोहमची जोडी
००० गुरू आणि सोहमची जोडी ००० गुरू आणि सोहम .... आमच्या शाळेतील इयत्ता दुसरीत शिकणारी गोड जोडी. शाळेत नम्र वागणारे हे दोघं गावात आपला पराक्रम गाजवतात. त्यामुळे शाळेपेक्षा गावात अधिक फेमस. मी शाळेत हजर झाल्यावर पहिली तक्रार या गोडजोडीतील गुरूची. " सर , याला चांगला बडवा. घराम मोठ्यांना शिव्या देतोय. उलटं बोलतोय. चांगली अद्दल घडवा थोड्याफार प्रमाणात अशीच तक्रार सोहमचीही. हि गोडजोडी गावात प्रसिद्ध आहे .... ति शिवी देणे , खोड्या करणे , उनाडक्या करणे, अभ्यास न करणे , गावातुन हुंदडण्यासाठी. अनेकांनी प्रयत्न करून बघितले त्यांना वळणावर आणायचे पण व्यर्थ ! अशा जोडीची माझ्याकडे तक्रार आल्यावर मलाही घाम फुटल्यागत झाले. यापूर्वीही असे अनेक प्रसंग मी हाताळले होते. त्यामुळे मुलांना मारून , दमदाटि करून प्रश्न सुटणार नाही. हे मला पक्के माहित आहे. मुले हि काही मातिचा गोळा नसतात कुंभारसारखं कसही घडवायला. तर प्रत्येक मुलाला स्वत:च मन , मेंदु असतो. त्याच्या सभोवति घडणार्या प्रत्येक घटनांचा तो आपल्या कुवतीप्रमाणे विचार करून अर्थ लावत असतो. त्यामुळे दोन्हींचा वेगळा विचार करणे गरजेचे होते. ; यापूर्व...